గుప్పిట పట్టిన వెన్నెలతో గుండె గది నిండిపోయింది
నువ్వొస్తున్నావన్న వార్తను అదింకా జీర్ణించుకోలేదు
కాని .................... అప్పుడే నువ్వొచ్చేస్తావు.
ఆకాశమంతటా నిండి ఆగిపోతావు.
ఎక్కడో చుక్కలా మిణుకు మిణుకుమన
మెరుస్తూ బిక్కుబిక్కుమంటున్న నా దరికి
నువ్వొచ్చేవరకూ అక్కడే ...
ఆ కలల ముంగిట్లో నిరీక్షణం
వచ్చాక వెళ్ళిపోతావేమో
అనే భయంలో బెదిరే క్షణ క్షణం
నువ్వు వచ్చేసరికి
ఆనందంతో మనసు మూగబోయింది
నువ్వు వెళ్ళక తప్పదని తెలిసేసరికి
నా కనుల వెలుగు కరిగిపొయింది.
ఇదంతా కల అని తెలిసేసరికి
కనుల ముంగిట తెల్లవారి పోయింది
ఆశల పడవ కదిలిపోయింది
No comments:
Post a Comment